प्रतिकात्मक तस्वीर

काठमाडौं – काठमाडौंको बसुन्धरामा गएराती ट्रक र स्कुटर आपसमा ठक्कर खाँदा दुर्घटना भइ दुई जनाको मृत्यु भएको छ । काठमाडौँ महानगरपालिका– बसुन्धरा चक्रपथ क्षेत्रमा नारायणगोपाल चोकबाट बसुन्धरा जाँदै गरेको ना ८ ख १८४१ नम्बरको ट्रकले बागमती प्रदेश ०२–०३२ प २२२७ नम्बरको स्ुूटरलाई ठक्कर दिँदा दुई जनाको मृत्यु भएको हो ।

मृत्यु हुनेमा कास्की पोखरा महानगरपालिका वडा नं ९ घर भएका ४७ वर्षीय बेलबहादुर रानामगर र सोही क्षेत्रकी ४७ वर्षीय कल्पना रानामगर रहेका छन् । दुर्घटनामा गम्भीर घाइते भएका उनीहरूको उपचारका क्रममा त्रिभुवन शिक्षण अस्पताल महाराजगञ्जमा मृत्यु भएको उपत्यका ट्राफिक प्रहरी कार्यालयले जनाएको छ ।

तीव्र गतिका कारण सवारी दुर्घटना भएको प्रहरीको अनुमान छ । प्रहरीले दुर्घटनामा सङ्लग्न ट्रक र ट्रक चालक चितवनका २५ वर्षीय राम हमाललाई नियन्त्रणमा लिएर अनुन्धान गरिरहेको छ ।