साङ्केतिक तस्वीर
सुर्खेत – सुर्खेतमा पिकनिक खान गएका दुई जना भेरी नदीमा पौडी खेल्ने क्रममा बगेर बेपत्ता भएका छन् । बेपत्ता हुनेमा वीरेन्द्रनगर नगरपालिका–३ का १८ वर्षीय दिपक थापा र १८ वर्षीय चन्द्र बिसी रहेका छन् ।

शनिबार भेरी नदीमा पौडी खेल्ने क्रममा उनिहरू बेपत्ता भएको सशस्त्र प्रहरी बल रक्तकाली गण बाँगेशीमलका प्रमुख (एसपी) विमल डाँगीले जानकारी दिए ।

तिहारमा भैली खेलेर उठेको पैसाले उनीहरू भेरीगंगा नगरपालिकाको सत्तरीमा पिकनिक खान गएमा थिए । एसपी डाँगीका अनुसार बेपत्ता खोजी कार्य भइरहेको छ ।