फाइल तस्वीर
चितवन – नारायणगढ–मुग्लिन सडकखण्ड अवरुद्ध भएको छ । इच्छाकामना गाउँपालिका–६ नाम्दीखोला नजिकै आज शनिवार साँझ करिब ५:३० बजेको समयमा सुक्खा पहिरो खसेर सडक अवरुद्ध भएको हो ।

उक्त पहिरोमा परी एक जना व्यक्ति घाइते भएको जिल्ला प्रहरी कार्यालय चितवनले जनाएको छ । प्रहरीले बताए अनुसार बोलेरोमा सवार एक व्यक्ति घाइते भएका हुन् । घाइतेलाई उपचारका लागि भरतपुरतर्फ ल्याइएको छ । पहिरो पन्छाउने काम सुरु भएको र केही समयपछि सडक नियमित गर्ने प्रहरीले जनाएको छ ।