काठमाडौं – सत्तारुढ दल नेपाली काङ्ग्रेस केन्द्रीय कार्यसम्पादन समितिको बैठक आज बस्दै छ । बैठक केन्द्रीय कार्यालय सानेपामा आज बिहान ११ बजेका लागि बोलाइएको मुख्य सचिव कृष्णप्रसाद पौडेलले बताउनुभयो ।
बैठकमा स्थानीय तहको निर्वाचनको घोषणापत्र जारी गर्ने विषयसँगै सत्ता साझेदार दलबीचको चुनावी तालमेललाई प्रभावकारी बनाउने र स्थानीय तहको निर्वाचनको तयारी तीव्र पार्ने सन्दर्भमा छलफल जनाइएको छ ।
यसअघि हिजो शुक्रबार दिउँसोका लागि बोलाइएको बैठक अन्तिम समयमा स्थगित भएको थियो । बैठकमा केन्द्रीय कार्यसम्पादन समितिका पदाधिकारी एवं सदस्यहरुको अनिवार्य उपस्थितिका लागि अनुरोध गरिएको छ ।
