काठमाडौं – काठमाडौंको स्युचाटार पुल नजिक मोटरसाइकल दुर्घटना हुँदा चालकको मृत्यु भएको छ । बागमती प्रदेश ०२–०२१ प ६३३१ नम्बरको मोटरसाइकल डिभाइडरमा ठोक्किएर दुर्घटना हुँदा नुवाकोटको कुमारी १ घर भई हाल थानकोट बस्ने अन्दाजी २२ वर्षीया लक्ष्मी दर्नालको मृत्यु भएको हो ।
गम्भीर घाइते भएकी उनको उपचारको क्रममा कलङ्कीस्थित नेपाल नेशनल अस्पतालमा उपचारकै क्रममा गएराति साढे १० बजे मृत्यु भएको प्रहरीले जनाएको छ । लक्ष्मीले तीव्र गतिमा चलाएको मोटरसाइकल आइतबार साँझ पौने ६ बजे डिभाइडरमा ठोक्किएर दुर्घटना भएको थियो ।
उनको शवलाई पोष्टमार्टमको लागि महाराजगञ्जस्थित त्रि.वि शिक्षण अस्पतालमा राखिएको प्रहरीले जनाएको छ ।
