फाइल तस्वीर
काठमाडौं — गौतमबुद्ध अन्तर्राष्ट्रिय विमानस्थलको क्यालिब्रेसन फ्लाइटका लागि आएको एरोथाईको जहाजबाट आज विराटनगर विमानस्थलमा यान्त्रिक परीक्षण गरिँदैछ । सामान्यतया हरेक दुई—दुई वर्षमा यस्तो परीक्षण गर्नुपर्छ ।
जसबाट उपकरणहरुले काम गरिरहेको वा नगरेको निश्चित हुन्छ । नेपाल नागरिक उड्डयन प्राधिकरणका अनुसार हवाई सुरक्षा सुदृढीकरणका लागि यस्तो परीक्षण हुने गर्छ । विमानस्थल कार्यालयले ११ बजेबाट १ बजेसम्म ‘नोटाम नोटिस’ जारी गरेको छ ।
जसका कारण यो अवधिमा विराटनगर विमानस्थलमा निर्धारित उडानहरु प्रभावित हुने भएका छन् । यो जहाजबाट त्रिभुवन विमानस्थल र ठूला आन्तरिक विमानस्थलमा परीक्षण भइरहेको छ । अहिले जहाज विराटनगरको आकासमा पुगेको छ ।
