नारायणगढ–मुग्लिन सडकखण्डअन्तर्गत नौ किलोबाट खाने तेल बोकेको ट्याङ्कर त्रिशूलीमा खसेको छ । हिजो साँझ उक्त ट्याङ्कर त्रिशूलीमा खसेको हो ।
जिल्ला प्रहरी कार्यालय चितवनका प्रमुख प्रहरी उपरीक्षक ओमप्रसाद अधिकारीका अनुसार नारायणगढबाट मुग्लिनतर्फ जाँदै गरेको नम्बर नखुलेको ट्याङ्कर इच्छाकामना गाउँपालिका–६ नौ किलेबाट त्रिशूलीमा खसेको हो ।
ट्याङ्करका चालक र सहचालक सम्पर्कविहीन रहेको उनले जानकारी दिएका छन् । ट्याङ्करको केही भाग मात्र पानी बाहिर देखिएको छ । घटना लगत्तै उद्धार र खोजी कार्यमा जुटेको प्रहरी उपरीक्षक ओमप्रसाद अधिकारीले बताएका छन् । रासस
