सर्लाही – नेपाली काङ्ग्रेसको वडा अधिवेशनका क्रममा आज पनि सर्लाही जिल्लामा विवाद भएको छ । विवाद चल्दै गर्दा विवादले उग्र रूप लिएपछि झडप भएको हो । सो झडपमा परी मतदान अधिकृत सहित ५ जना घाइते भएका छन् ।
हिजो मात्रै पनि अधिवेशनकै क्रममा सर्लाहीमा गोली चलेको थियो । वडा अधिवेशनकै क्रममा मतदान अधिकृत उमेशचन्द्र झामाथि हातपात हुन थालेपछि प्रहरीले बचाउनका लागि प्रयास गर्ने क्रममा प्रहरीसँग झडप भएको बताइएको छ ।
सर्लाहीको निर्वाचन क्षेत्र ४ स्थित बलरा नगरपालिका वडा नम्बर ८ वडा अधिवेशन गराउन पुगेका मतदान अधिकृत झा पुगेका थिए । सो झडपको क्रममा ५ जना घाइते भएको सर्लाहीका प्रमुख जिल्ला अधिकारीले जानकारी दिनुभयो । झडपमा परेर झा सहित ३ जना प्रहरी र एक जना सर्वसाधारण घाइते भएको उहाँले बताउनुभयो । निर्वाचन अधिकृतको टाउकोमा चोट लागेको छ ।
