प्रतीकात्मक तस्वीर
रौतहट — रौतहटमा बाघकोे आक्रमणमा परी एक जना घाइते भएका छन ।
रौतहटको चन्द्रनिगाहपुर लमहामा बाघले आक्रमण गर्दा चन्द्रपुर ६ थोकरटोलका यज्ञ बहादुर रायमाझी घाइते भएका हुन । बिहान घाँस लिन लमहातर्फ जाँदै गरेका रायमाझिलाई राजमार्ग छेउमै बाघले आक्रमण गरेको हो । ६ जनाको समूहमा घाँस लिन हिँडेका यज्ञ बहादुरलाई बाघले आक्रमण गरेपछि आफूसँग भएको बन्चरो बाघलाई प्रहार गरेको घाइते रायमाझीले बताउनु भयो । उहाँको दुवै हातमा बाघले चिथोरेको छ ।
घाइते रायमाझीको चन्द्रनिगाहपुरको एक अस्पतालमा उपचार भइरहेको इलाका प्रहरी कार्यालय चन्द्रनिगाहपुरले जनाकारी दिनुभएको छ ।
