काठमाडौं – पार्टी अध्यक्ष केपी शर्मा ओलीको नेतृत्वमा बसेको नेकपा एमालेको बैठकले वरिष्ठ नेता माधवकुमार नेपालसहित १४ जना सांसदहरुलाई कारबाही गर्ने निर्णय गरेको छ । संसद सचिवालयलाई उनीहरुलाई सांसद पदबाट मुक्त गर्न पत्रसमेत पठाउने तयारी एमालेले गरेको छ भने यसबारे निर्वाचन आयोगलाई समेत जानकारी गराइने भएको छ ।
प्रतिनिधसभाका नेपालसहित जीवनराम श्रेष्ठ, मुकुन्द न्यौपाने, रामकुमारी झाँक्रीसहित १४ जना सांसदहरुलाई एमालेले कारबाही गरेको हो । आज मङ्गलबार संसदीय दलको बैठकले ती सांसदहरुलाई कारबाही गर्न सिफारिस गरेको नेकपा एमाले नेतृ शान्ता चौधरीले जानकारी दिनुभयो ।
कारबाहीमा परेका सांसदहरुको नामावली ः
–माधव नेपाल
–जीवनराम श्रेष्ठ
–मुकुन्द न्यौपाने
–रामकुमारी झाँक्री
–कल्याणी खड्का
–लक्ष्मीकुमारी चौधरी
–निरादेवी जैरु
–पुष्पाकुमारी कर्ण
–सरला यादव
–कलिला खातुन
–मेटमणी चौधरी
–विरोध खतिवडा
–कृष्णलाल महर्जन
–भवानी खापुङ
