काठमाडौं – नेपालमा पछिल्लो २४ घण्टामा थप २ हजार २ सय १२ जनामा कोरोना भाइरसको सङ्क्रमण पुष्टि भएको छ । गत चौबीस घन्टामा ८ हजार ८८ पीसीआर तथा ४ हजार १८ एन्टिजेन परीक्षण भएको छ । स्वास्थ्य मन्त्रालयका अनुसार काठमाडौं उपत्यकामा ७ सय ३९ जना कोरोना सङ्क्रमित थपिएका छन् । जसमध्ये काठमाडौंमा ५ सय २२, भक्तपुरमा ६३ र ललितपुरमा १ सय ५४ जनामा कोरोना भाइरसको सङ्क्रमण पुष्टि भएको हो ।
यस्तै गत २४ घण्टामा देशभर ३३ जना सङ्क्रमितको मृत्यु भएको छ । यससँगै देशभर हालसम्म कोरोनाबाट मृत्यु हुनेको संख्या १० हजार २ सय ९२ पुगेको छ । देशभर हालसम्म ३९ हजार २ सय ९८ जना सक्रिय सङ्क्रमित छन् ।आज १ हजार ८ सय ६७ जना सङ्क्रमणमुक्त भएर घर फर्किएका छन् ।
