काठमाडौं – देशभर पछिल्लो २४ घण्टामा थप ३ हजार ८ सय ४० जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार ८ सय ९६ पीसीआर परीक्षण गर्दा २ हजार ६ सय ३४ जना र ४ हजार ९ सय २२ एन्टिजेन परीक्षण गर्दा १ हजार २ सय ६ जनामा सङ्क्रमण पुष्टि भएको हो ।
यस्तै पछिल्लो २४ घण्टामा देशभर ३३ जना कोरोना सङ्क्रमितको मृत्यु भएको छ । यससँगै नेपालमा हालसम्म कोरोनाबाट ज्यान गुमाउनेको संख्या ९ हजार ७ सय ९१ पुगेको छ ।
गत २४ घण्टामा १ हजार ९ सय ९३ जना कोरोना सङ्क्रमणमुक्त भएर घर फर्किएका छन् । हाल देशभर २९ हजार ४ सय ४४ जना सक्रिय सङ्क्रमित रहेको स्वास्थ्य मन्त्रालयले जनाएको छ ।
