काठमाडौं– देशभर पछिल्लो २४ घण्टामा थप २ हजार ३ सय ९८ जनामा कोरोना भाइरसको सङ्क्रमण पुष्टि भएको छ । स्वास्थ्य मन्त्रालयका अुनसार ७ हजार ५८ पीसीआर परीक्षणबाट १ हजार ६ सय ३९ र ३ हजार ९ सय ५४ एन्टिजेन परीक्षणबाट ७ सय ५९ जनामा सङ्क्रमण पुष्टि भएको हो ।
यस्तै पछिल्लो २४ घण्टामा थप १२ जना कोरोना सङ्क्रमितको मृत्यु भएको छ । यससँगै नेपालमा कोरोनाबाट हालसम्म ज्यान गुमाउनेको संख्या ९ हजार ४ सय १२ पुगेको छ । गत २४ घण्टामा २ हजार ७८ जना कोरोना सङ्क्रमणमुक्त भएका छन् । हाल देशभर २६ हजार २ सय ६१ जना सक्रिय सङ्क्रमित रहेको स्वास्थ्य मन्त्रालयले जनाएको छ ।
