काठमाडौं – विश्व स्वास्थ्य सङ्गठनले कोरोना भाइरस विरुद्धको पहिलो मात्रा ‘कोभिसिल्ड’ खोप लगाएका व्यक्तिले दोस्रो मात्रा ‘भेरोसेल’ खोप लगाउँदा अझै बढि प्रभावकारी हुन्छ भन्ने आधार पुष्टि नभएको बताएको छ । यस सम्बन्धी चर्चा अफवाह मात्रै रहेको डब्लुएचओले जनाएको छ ।
‘पहिलो मात्रा ‘कोभिसिल्ड’ खोप लगाएका व्यक्तिले दोस्रो मात्रा ‘भेरोसेल’ खोप लगाउँदा अझै बढि प्रभावकारी हुन्छ भन्ने सोच समाचारप्रति डब्लुएचओ ध्यानआकर्षण गराउन चाहन्छ’,। डब्लुएचओले जारी गरिएको विज्ञप्तिमा भनिएको छ, ‘डब्लुएचओले यस किसिमको कुनै पनि बयान जारी गरेको छैन र यो झुटो आरोप हो । यस किसिमका गलत सूचनाले जनताको स्वास्थ्यमा गम्भीर परिणाम निम्त्याउन सक्छ ।’
डब्लुएचओले दुई भिन्न किसिमका खोप लगाउँदाको प्रभावकारिताका बारे सीमित तथ्याङ्क मात्र उपलब्ध भएको जनाएको छ । विज्ञप्तिमा भिन्न किसिमका खोपको प्रयोग र प्रभावकारिताका विषयमा अध्ययनहरु भइरहेको र कोभिसिल्ड खोपको साटो दोस्रो मात्रामा भेरोसेल खोप लगाउन मिल्छ भन्ने निष्र्कषमा पुग्नका लागि पर्याप्त वैज्ञानिक प्रमाण आवश्यक रहेको जनाइएको छ ।
