काठमाडौं – नेकपा एमाले वरिष्ठ नेता माधवकुमार नेपाल समूहले भर्चुअल माध्यमबाट स्थायी कमिटी बैठक बसेर पूर्व प्रधानमन्त्री झलनाथ खनालको स्वास्थ्यलाभको कामना गरेको छ । स्वास्थ्यमा समस्या देखिएपछि थप उपचारका लागि दिल्ली जानुभएको खनालको नेपाल समूहका स्थायी कमिटी सदस्यहरुले संयुक्त वक्तव्य जारी गरेर खनालको स्वास्थ्यलाभको कामना गरेका छन् ।
बैठकले स्थायी कमिटी सदस्य रघुजी पन्तको स्वास्थ्यलाभको कामना गर्ने निर्णय पनि गरेका छन् । पन्त काठमाडौंमै उपचारत हुनुहुन्छ । यो समूहको बैठकले बाढी पहिरोमा परी ज्यान गुमाउनेका परिवारमा समवेदना प्रकट गरेको छ । प्रकोपमा परेकाहरुको उद्धार र पुनस्र्थापनामा ध्यान दिन सरकारलाई आग्रहसमेत गरेको छ । यस्तै प्रकोपमा परेकाहरुको उद्धारमा खटिन कार्यकर्ता पंक्तिलाई निर्देशन पनि दिइएको छ ।
