काठमाडौं – देशभर पछिल्लो २४ घण्टामा थप २ हजार ७ सय ४५ जनामा कोरोनाभाइरसको सङ्क्रमण पुष्टि भएको छ । यस्तै सोही अवधिमा ४ हजार १ सय ८७ जनाले कोरोना जितेर घर फर्किन सफल भएका छन् ।
स्वास्थ्य तथा जनसंख्या मन्त्रालयका अनुसार कुल १३ हजार २ सय ९० जनामा परीक्षण गर्दा २ हजार ७ सय ४५ जनामा सङ्क्रमण पुष्टि भएको हो । पछिल्लो २४ घण्टामा ४१ जनाले ज्यान गुमाएका छन् ।
यससँगै देशभर कोरोना सङ्क्रमितको कुल संख्या पीसीआर विधिबाट भएको परीक्षणका ६ लाख १२ हजार २ सय २ र एन्टिजेन विधिबाट भएको परीक्षणका २२ हजार ४ सय ३ जना रहेका छन् । यस्तै निको हुने कुल संख्या ५ लाख ४० हजार ४ सय ३९ जना रहेको छ भने मृतकको कुल संख्या ८ हजार ५ सय ६ जना पुगेको छ ।
