काठमाडौं — नेपालको पूर्व मेचीदेखि पश्चिम महाकालीसम्म दोलखाका १ जना युवाले पैदलयात्रा सम्पन्न गरेका छन् । दोलखाको कालिन्चोक गाउँपालिका– ३ का २१ वर्षीय अभिनय कार्कीले मेची–महाकालीसम्म ३७ दिनमा पैदलयात्रा सम्पन्न गरेका हुन् ।
यही फागुन ६ गते आफ्नो जन्म दिनको अवसर पारेर मेची पुलबाट पैदलयात्रा शुरु गरेका कार्कीले चैत २७ गते महाकालीको कन्चनपुरको नेपाल–भारत सिमाना गड्डा चौकीस्थित सीमास्तम्भ ८ सय ५–१(७) मा पुगेर यात्रा सम्पन्न गर्नुभएको हो । विश्वभर सुख, शान्ति, सम्वृिद्ध र राष्ट्रिय एकताको कामनासहित १ सयभन्दा बढी देशको राष्ट्रिय झण्डा बोकेर पैदलयात्रा पूरा गरेको कार्कीले बताउनुभयो ।
करीब २ महिना लाग्ने अनुमान गरे पनि आराम गर्दै यात्रा गर्ने क्रममा ३७ दिनमा आफूले यात्रा पूरा गरेको कार्कीले बताउनभयो । मेचीदेखि महाकलीसम्म ३७ दिनमा आफूले करीब १ हजार २ सय किलोमिटर यात्रा गरेको कार्कीले बताउनुभयो । यात्रा सकेर दोलखा आउनुभएका कार्कीले पत्रकारसँगको कुराकानीमा अब केही दिनमा नै आफूले नेपालका ७७ वटा जिल्लामा १ सय दिनमा साइकलयात्रा गर्न लागेको जानकारी दिनुभयो ।
