नेकपा प्रचण्ड–नेपाल समूहको आम हड्तालका कारण कपिलवस्तु, रुपन्देही, अर्घाखाँची, गुल्मी, पाल्पालगायतका जिल्लामा जनजीवन प्रभावित बनेको छ । आमहडतालको दिन बिहानै नेपाली सेनाले रुपन्देही र कपिलवस्तुमा बख्तरबन्द गाडी सडकमा निकालेको छ । रुपन्देही जिल्लाको बुटवल र कपिलवस्तुको जितपुरमा बख्तरबन्द गाडी मुख्य राजमार्गमा देखिएका छन् । र चोकचोकमा प्रहरी खटिएका छन् । मुख्य राजमार्गहरुमा आमहडताल आह्वानकर्ताको उपस्थिति न्यून देखिए पनि सार्वजनिक सवारी र बजारहरु आज बन्द छन् । मुख्य राजमार्गमा बन्दको प्रभाव देखिएता पनि भित्री सडकमा भने साना सवारी साधनहरु चलेका छन् । शैक्षिक संस्थाहरु बन्द छन् ।
