काठमाडौं – स्वास्थ्य तथा जनसङ्ख्या मन्त्रालयका अनुसार देशभर आज थप १ सय ४२ जना कोरोना भाइरसका सङ्क्रमित थपिएका छन् । आजको यो सङ्ख्यासँँगै देशभर कोरोना सङ्क्रमितको कुल सङ्ख्या २ लाख ७१ हजार ४ सय ३१ पुगेको छ । आज २ सय ६ जना कोरोना सङ्क्रमित डिस्चार्ज भएका छन् । हालसम्म डिस्चार्ज हुनेको सङ्ख्या २ लाख ६७ हजार ६५ पुगेको छ । हाल देशभर २ हजार ३ सय ३५ जना कोरोना भाइरसका सक्रिय सङ्क्रमित रहेका छन् । यस्तै आज कोरोना भाइरसका कारण थप १ जनाको मृत्यु भएको छ । यससँगै देशभर कोरोना भाइरसको सङ्क्रमणबाट ज्यान गुमाउनेको सङ्ख्या २ हजार ३१ पुगेको छ ।
