काठमाडौं – देशभर आज थप १ सय ७१ जना कोरोना भाइरसका नयाँ सङ्क्रमित थपिएका छन् । आजको यो सङ्ख्यासँगै देशभर कोरोना भाइरस सङ्क्रमितको कुल सङ्ख्या २ लाख ७१ हजार २ सय ८९ पुगेको छ । स्वास्थ्य तथा जनसङ्ख्या मन्त्रालयका अनुसार आज २ सय ५९ जना कोरोना सङ्क्रमित डिस्चार्ज भएका छन् । हालसम्म डिस्चार्ज हुनेको सङ्ख्या २ लाख ६६ हजार ८ सय ५९ पुगेको छ । हाल देशभर २ हजार ४ सय जना कोरोना भाइरसका सक्रिय सङ्क्रमित रहेका छन् । यस्तै आज थप १ जनाको कोरोना भाइरसको सङ्क्रमणका कारण मृत्यु भएको छ ।आजको यो सङ्ख्यासँगै देशभर कोरोना भाइरसका कारण मृत्यु हुनेको कुल सङ्ख्या २ हजार ३० पुगेको छ ।
