काठमाडौं – झापाको घेराबारीस्थित एक घरमा आगलागी हुँदा घरभित्र सुतिरहेका एक जनाको जलेर मृत्यु भएको छ । मृत्यु हुनेमा घरधनि अन्दाजी ६० वर्षीय गोबर्धन राजबंशी रहेको जिल्ला प्रहरी कार्यालय झापाका प्रवक्ता प्रहरी नायब उपरिक्षक राकेश थापाले बताएका छन् ।
प्रहरीका अनुसार राजवंशीको घरमा आज राति १ः२० बजे आगलागी भएको हो । आगलागीबाट ३ वटा घर पूर्ण रुपमा जलेर नस्ट भएको छ । आगलागीमा परी १ गाई, २ वटा बाछा र ३ वटा बाख्रा जलेर मरेका छन् । आगो प्रहरी, दमकल र स्थानीयबासीको सहयोगमा नियन्त्रणमा आएको प्रहरीले जानकारी दिएको छ । अहिलेसम्म आगलागीको कारण र क्षतिको विवरण नखुलेको प्रहरीले जानकारी दिएको छ ।
