काठमाडौं — चालु आर्थिक वर्षको दोस्रो त्रैमाससम्मको वित्तीय विवरण अनुसार सबै बैंकलाई पछि पार्दै नविल बैंक पहिलो बनेको छ । वितरण योग्य मूनाफामा धेरै हुनेमा नविल बैंक पहिलो स्थानमा देखिएको हो । नविल बाहेकका सबै बैंकहरलाई पछि पार्दै एनएमबि बैंक वितरण योग्य मूनाफाका आधारमा दोस्रो नम्बरमा पुगेको छ । दोस्रो त्रैमासम्म नविल बैंकको १ अर्ब ८४ करोड २८ लाख रुपैयाँ भन्दा धेरै वितरण योग्य मूनाफा देखिएको छ । नविलको अघिल्लो आर्थिक वर्षको दोस्रो त्रैमासमा १ अर्ब ४५ करोड रुपैयाँमात्रै वितरण योग्य मुनाफा थियो । यस अवधीमा दोस्रो बनेको एनएबि बैंकको एक अर्ब ५० करोड ९६ लाख ९० हजार रुपैयाँ वितरण योग्य मूनाफा कमाएको छ । अघिल्लो आर्थिक वर्षको पहिलो त्रैमासमा एनएमबिको १ अर्ब ११ करोड रुपैयाँ रहेको थियो । वितरण योग्य मूनाफामा एनआईशी एशिया, ग्लोबल आईएमई बैंक लगायतलाई एनएमबिले उछिनेको छ ।
वितरण योग्य मूनाफा धेरै कमाउने तेस्रो नम्बरमा ग्लोबल आइएमई बैंक देखिएको छ । खुद मूनाफामा सबै भन्दा अगाडि देखिएको ग्लोबल आइएमई बैंकले वितरण योग्य मूनाफा भने ६ महिनामा १ अर्ब ४३ करोड २० लाख रुपैयाँ आर्जन गरेको छ । यसैगरी चौथोमा प्राइम कमर्सीयल बैंक, पाँचौमा प्रभु बैंक र छैठौंमा सानिमा बैंकको वितरण योग्य मूनाफा धेरै देखिएको छ । यि बैंकहरुको क्रमशः १ अर्ब २६ करोड ४२ लाख, ९९ करोड ९८ हजार र ८९ करोड २६ हजार रुपैयाँ वितरण योग्य मूनाफा देखिएको छ । खासगरी वितरण योग्य मूनाफा सेयर लगानीकर्ताहरुका लागि महत्वपूर्ण हुन्छ ।
नेपाल उद्योग वाणिज्य महासंघको पुँजी बजार फोरमका सभापति अम्बिका प्रसाद पौडेल सेयरमा लगानी गर्नका लागि वितरण योग्य मूनाफाको विशेष अर्थ रहेको बताउछन् । यो बढ्दा लगानीकर्तालाई राम्रो हुने र घट्दा लगानीकर्तालाई बेफाइदा हुने उनले बताए । कम्पनीको सेयर किन्न चाहाने वा लगानीकर्ताले अन्य वितरण योग्य मूनाफा कति छ भनेर हेर्नु पर्ने उनको सुझाव छ ।
कुन बैंकको वितरण योग्य मूनाफा कति छ त !
