एजेन्सी — दोस्रो पटक गर्भवती भएकी बलिउडकी अभिनेत्री करीना कपूर यतिबेला चर्चामा छिन् । उनी गर्भवती भएको समयमा पनि उत्तिकै सक्रिय रहन्छिन् । उनी सम्बन्ध, प्रेम र फिल्मका कारण चर्चामा आउने गर्छिन् । उनी विभिन्न समयमा हुने अन्तरवार्तामा आफ्ना जीवनका रमाइलो पलहरु सेयर गर्ने गर्छिन् । यसैबीच, उनले आफ्नो पहिलो प्रेमसम्बन्धको बारेमा खुलासा गरेकी छिन् । उनले आफू १५ वर्षको उमेरमा नै प्रेममा परेको बताएकी छिन् ।
उनले आफू बालापनमा निकै चन्चल भएको बताउँदै चन्चल भएको कारण आमाको गाली धेरै खाएको समेत खुलाइन् । उनले आफूले गरेका व्यवहारका कारण आमाले उनीमाथि घेराबन्दी लगाएको समेत बताइन् । करीनाका अनुसार उनी दिदी करिश्मा कपूर उनीभन्दा ठूली भएकाले उनलाई घरबाट बाहिर खुलेआम हिँड्ने अनुमति थियो । उनले १४ ÷१५ सालको उमेरमा उनलाई एक युवक निकै मन पर्यो । करीनाले उक्त युवकसँग कुराकानी गर्नका लागि आफ्नो कोठामा फोन लुकाएकी थिइन् ।
उनको यस व्यवहारका कारण उनकी आमा बबीता कपूर निकै रिसाइन् । करीनाका हर्कतका कारण उनकी आमाले उनलाई बोर्डिंङ् स्कुलमा भर्ना गरिदिइन् । जसका कारण उनी स्कुलमा कडा नियमकाबीच पढाई सुरु गरिन् ।
