काठमाडौं – सिरहाको गोलबजारबाट २ जनालाई लागुऔषधसहित इलाका प्रहरी कार्यलय गोलबजार सिरहाबाट खटिएको प्रहरिको टोलीले बिहीबार साँझ गोलबजार नगरपालिका–२ निवासी २२ वर्षीय राकेशकुमार साह र मिर्चैया नगरपालिका –८ निवासी २७ वर्षीय अनिल शर्मालाई प्रहरीले पक्राउ गरेको छ ।
लागुऔषध बिक्रीका लागि गोलबजारबाट लहानतर्फ आउँदै गर्दा गोप्य सूचनाका आधारमा स७प ५७१२ नम्बरको पल्सर बाइक र स१०प ५५२२ नम्बरको बाइक चेक गर्दा लागुऔषध भेटिएपछि उनिहरुलाई पक्राउ गरेको जिल्ला प्रहरी कार्यालय सिरहाका प्रवक्ता शालीग्राम शर्माले बताएका छन् ।
पक्राउ परेका व्याक्तिहरुको साथबाट डिलक्स डिसी ३४ बोतल, डाइजोपाम इन्जेक्सन ४५ एम्पुल, नोफिन इन्जेक्सन ४५ थान, फेनारगन ४५ थान, स्पासप्रोक्सन ४८ थान, नाइट्रोभेट ट्याब्लेट एक हजार ४९७ थान लागुऔषध बरामद भएको प्रहरी नायब उपरीक्षक शर्माले जानकारी दिएका छन् ।
