काठमाडौं – गतबर्षको दशैंमा रिलिज भएको चलचित्र ‘छ माया छपक्कै’ युटुबमा रिलिज भएको छ । चलचित्रको पाइरेसी भएपछि यस चलचित्रलाई हतारमा युटुबमा रिलिज गरिएको हो । चलचित्रको डिजिटल अधिकार लिएको आमा अग्नीकुमारी मिडियाले यो चलचित्रलाई आफ्नो च्यानलमा रिलिज गरेको छ । निर्माता तथा कलाकार दीपकराज गिरी र उनको टिमले चलचित्रको पाइरेसी कपी युटुबमा छ्यापछ्याप्ती भेटिन थालेपछि यसको निर्माणपक्षले हतारमानै यो चलचित्रलाई रिलिज गरेको हो ।
गतबर्षको सर्वाधिक कमाई गर्न सफल ‘छ माया छपक्कै’ चलचित्रलाई रोहित अधिकारीले निर्माण गरेका हुन् भने दीपेन्द्र लामा यसका निर्देशक रहेका छन्् । चलचित्रमा दीपकराज गिरी, केदार घिमिरे, जितु नेपाल, केकी अधिकारी, सुपुष्पा भट्ट लगायतका कलाकारहरुले अभिनय गरेका छन् ।
