काठमाडौं – उपत्यकाका केही स्थानमा आज लोडसेडिङ हुने भएको छ । काठमाडौंको सुकेधारा, चण्डोल, महाराजगञ्ज, विशालनगर, चप्पल कारखाना, लोसाल आसपास १ बजेदेखि २ बजेसम्म १ घण्टाको लागि विद्युत अवरुद्ध हुने प्राधिकरणले जनाएको छ । ललितपुरको बालकुमारी खन्ना गार्मेन्ट, हनुमन्ते करिडोर, नमस्ते पेट्रोल पम्प आसपासका क्षेत्रमा दिउँसो ३ देखि ४ बजेसम्म एक घण्टा लोडसेटिङ हुने नेपाल विद्युत प्राधिकरणले जानकारी गराएकोे छ ।
लुभु एकको फिडर अन्तर्गत पर्ने बालकुमारी खरिबोट नजिकै रहेको एशियन पेन्ट्स नेपालको ट्रान्सफरमर जलेकोले सो ट्रान्सफरम मर्मतको लागि सटडाउन गर्नुपर्ने हुदा १ घण्टा बिजुली जाने प्राधिकरणले जानकारी दिएको हो । सो क्षेत्रको ओम फिडर अन्तर्गतको कुमारी मन्दिर एरियामा ट्रान्सफरमर इन्स्टलेसन गर्नुपर्ने भएकाले विद्युत अवरुद्ध हुने प्राधिकरणले बताएको छ ।
