काठमाडौं – आज देशभर २ सय ७० जना कोरोना भाइरसका नयाँ सङ्क्रमित थपिएका छन् । आजको यो सङख्यासँगै देशभर कोरोना सङक्रमितको कुल सङ्ख्या २ लाख ६६ हजार ८ सय १६ पुगेको छ । यस्तै आज कोरोना भाइरसका कारण थप ५ जनाको ज्यान गएको छ । यससँगै देशभर कोरोना भाइरसका कारण ज्यान गुमाउनेको कुल सङ्ख्या १ हजार ९ सय ४८ पुगेको छ ।
स्वास्थ्य तथा जनसङ्ख्या मन्त्रालयका अनुसार आज ३ सय ९० जना कोरोना सङ्क्रमित डिस्चार्ज भएका छन् । यो सङ्ख्यासँगै देशभर डिस्चार्ज हुनेको कुल सङ्ख्या २ लाख ६० हजार ५ सय ६७ पुगेको छ । आज देशभर ३ हजार ८४ पीसीआर परीक्षण भएको छ । हाल देशभर सक्रिय सङ्क्रमित कुल सङ्ख्या ४ हजार ३ सय १ रहेको छ ।
