काठमाडौं– आज देशभर पछिल्लो २४ घण्टामा कोरोना भाइरसकोे सङ्क्रमणबाट १८ जनाको मृत्यु भएको छ । आज ज्यान गुमाउनेको सङ्ख्यासँगै देशभर कोरोना भाइरसबाट मृत्युहुनेको कुल सङ्ख्या १ हजार १ सय २६ जना पुगेको छ । यसैगरी पछिल्लो २४ घण्टामा देशका विभिन्न प्रयोगशालाहरुमा १२ हजार ३ सय ११ जनाको पीसीआर परीक्षण गर्दा १ हजार ५ सय २० जना पुरुष र १ हजार ५१ जना महिला सहित २ हजार ५ सय ७१ जनामा कोरोना भाइरसको सङ्क्रमण पुष्टि भएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिनु भएको हो । दिनानुदिन सङक्रमितको संख्या बढेसँगै कोरोनाबाट मृत्यु हुनेको संख्या पनि तीव्र रुपमा बढिरहेको छ । देशभर ४ सय ११ जनाको आइसीयु र ८३ जनाको भेन्टिलेटरमा उपचार भइरहेको प्रवक्ता गौतमले बताउनु भयो ।
यसैगरी काठमाडौं उपत्यकामा आज १ हजार ४ सय २८ जना नयाँ सङ्क्रमित थपिएका छन् । देशभरी आजसम्म १ लाख ५९ हजार ७ सय २४ जनामा कोरोना भाइरस सङ्क्रमण पोजेटिभ देखिएको छ ।
