काठमाडौं– नेपाल कम्युनिस्ट पार्टी (नेकपा) का कार्यकारी अध्यक्ष पुष्पकमल दाहाल प्रचण्डले पूर्व सभामुख एवं प्रतिनिधिसभाका सांसद् कृष्णबहादुर महराको जीवन सङ्गिनी सीता महराको निधनप्रति गहिरो दुःख व्यक्त गर्नुभएको छ । यसक्रममा अध्यक्ष प्रचण्डले शोक सन्तप्त परिवारजनमा समेत समवेदना प्रकट गर्नुभएको ।
यसैक्रममा प्रतिनिधिसभाका सभामुख अग्निप्रसाद सापकोटाले पनि महरा पत्नि सीताको दुःखद् निधनले आफुलाई अत्यन्तै दुखित् बनाएको भन्दै दुःख व्यक्त गर्नुभएको छ । सभामुख सापकोटाले आज एक विज्ञप्ति जारी गर्दै ‘सीता महराको असामयिक निधनको खबरले मलाई मर्माहत बनाएको छ । दिवंगत सीता महराप्रति भावपूर्ण श्रद्धाञ्जली अर्पण गर्दछु’ भन्दै शोकाकुल परिवारजन प्रति समवेदना प्रकट गर्नुभएको छ । पूर्वसभामुख कृष्णबहादुर महराकी धर्मपत्नि सीता महराको आज बिहान काठमाडौंको थापाथलीस्थित नर्भिक अस्पतालमा निधन भएको थियो ।
