काठमाडौँ– काठमाडौं उपत्यकामा आज १ हजार ४ सय ९ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार काठमाडौंका १ हजार १ सय १६, ललितपुरका १ सय ६३, तथा भक्तपुरका १ सय ३० जनामा कोरोना भाइरसको सङ्क्रमण पुष्टि भएको हो ।
पछिल्लो समय देशभर कोरोना सङ्क्रमितको सङ्ख्या दिन प्रतिदिन बढ्दै जाँदा उपत्यकामा सबैभन्दा धेरै सङ्क्रिमत भेटिंदै गएको छन् । देशभर दैनिक रुपमा पुष्टि भएका सङ्क्रमितहरु मध्ये ५० प्रतिशतभन्दा बढी उपत्यकामा नै छन् । पछिल्लो २४ घण्टामा देशभर २ हजार ५९ जना कोरोना भाइरसका सङ्क्रमित थपिता उपत्यकामा १ हजार ४ सय ९ जनामा सङ्क्रमण पुष्टि भएको छ । आज पुष्टि भएका समेत गरी नेपालमा कोरोना भाइरस सङ्क्रमितको कुल सङ्ख्या एक लाख नाघेको छ ।
