ब्रसेल्स, जेठ १५ गते । युरोपेली सङ्घ (इयू) की प्रमुख उर्सुला भोन डेर लेयनले शुक्रबार इयूले हङ्गेरीका लागि यसअघि रोकिएको रकममध्ये १६ अर्ब युरो (१९ अर्ब अमेरिकी डलर) भन्दा बढी रकम निकासा गर्ने बताउनुभएको छ । युरोपेली आयोगका अध्यक्षले ब्रसेल्समा आफ्ना युरोप समर्थक उत्तराधिकारी पिटर मग्यारसँग वार्ता गरेपछि पूर्व प्रधानमन्त्री भिक्टर ओर्बानको विभाजनकारी शासनमा रोक्का गरिएको रकम जारी गर्ने घोषणा गर्नुभएको हो ।
“हामी हङ्गेरीमा परिवर्तनको बलियो हावा महसुस गर्न सक्छौँ,” भोन डेर लेयनले एक पत्रकार सम्मेलनमा भन्नुभयो । उहाँले कन्जरभेटिभ नेता मग्यारसँग भन्नुभयो, “केही हप्तामा, तपाईंले लामो समयदेखि बाँकी रहेका सुधारहरूलाई अगाडि बढाउनुहुनेछ ।”
यो घोषणा मग्यारका लागि ठूलो जीत हो, यसले अप्रिलमा भएको चुनावमा लामो समयदेखि राष्ट्रवादी नेता ओर्बानलाई पराजित गर्नुभएको थियो र अत्यन्त आवश्यक पैसा सुरक्षित गर्ने दिशामा प्रगति देखाउन उत्सुक देखिनुभएको छ।
ओर्बानको शासनकालमा प्रजातान्त्रिक पक्षबाट पछि हटाइएको भ्रष्टाचार र लैङ्गिक तथा यौनिक अल्पसङ्ख्यक ९एलजिबिटिक्यू० का मुद्दाहरूको उपचारका कारण युरोपेली सङ्घले बुडापेस्टका लागि छुट्याइएको करिब १८ अर्ब युरो ९२१ अर्ब डलर० को रकम रोक्का गरेको थियो ।
यो पैसाले मग्यारलाई हङ्गेरीको कमजोर अर्थव्यवस्थालाई पुनर्जीवित गर्न र सद्भाव सिर्जना गर्न मद्दत गर्न सक्छ किनकि ब्रसेल्सले युक्रेनसँगको सदस्यता वार्ताजस्ता बुडापेस्टले पहिले रोक्का गरेका फाइलहरू अगाडि बढाउन खोज्नेछ ।
“हामी प्रत्येक प्रतिशतको लागि लडेका थियौँ,” मग्यारले भन्नुभयोे, जसलाई उहाँले ‘ऐतिहासिक दिन’ को रूपमा वर्णन गर्नुभयो ।
रोक्का गरिएको कोष कुल १० अर्ब युरोभन्दा बढीको ठूलो हिस्सा इयूको कोभिड रिकभरी कोषबाट विनियोजन गरिएको हो र हङ्गेरीले अगस्टको अन्त्यसम्म उनीहरूलाई सुरक्षित गर्न नयाँ योजना प्रस्तुत गर्न बाँकी रहेको थियो।
“उनीहरूको निकासा ‘अपनाइएका सुधारहरूको अधीनमा’ र सहमति भएको लगानीको श्रृङ्खलाको कार्यान्वयनको अधीनमा थियो,” भोन डेर लेयनले भन्नुभयो ।
यस्तै परिदृश्यमा, युरोपेली समर्थक प्रधानमन्त्री डोनाल्ड टस्कको सरकारले परिवर्तन हुँदैछ भन्ने आश्वासन दिनेबित्तिकै इयूले सन् २०२४ मा पोल्याण्डका लागि अर्बौं युरो निकासा गरेको थियो ।
सत्तामा रहँदा मस्कोसँग घनिष्ट सम्बन्ध कायम राख्ने इयूको पक्षमा स्वघोषित ‘काँडा’ ओर्बानले संवैधानिक अदालत, सार्वजनिक अभियोजनकर्ताको कार्यालय र ‘कोर्ट अफ अडिट’ लाई कडा नियन्त्रणमा राख्नुभयो र उनीहरूलाई चलाउन सहयोगीहरू नियुक्त गर्नुभयो ।
संसदमा ठूलो बहुमत रहेको मग्यारले प्रारम्भिक सुधारहरू सुरु गर्नुभएको छ । अन्तर्राष्ट्रिय फौजदारी अदालत ९आइसिसी० बाट फिर्ता हुने ओर्बानको योजनालाई फिर्ता लिन बुधबार संसदमा मग्यारको पक्षमा मतदान भएको छ ।
अर्को महत्त्वपूर्ण कदममा, हङ्गेरियाली प्रहरीले शुक्रबार भनेको छ, “ गत ओर्बानको शासनकालमा प्रतिबन्ध लगाइएको एलजिबिटिक्यू कार्यक्रमलाई फुकुवा गरिएको थियो तर यो सरकारले बुडापेस्टमा अर्को महिना हुने ‘प्राइड परेड’मा प्रतिबन्ध लगाउनुहुने छैन ।”
