फाइल तस्वीर
काठमाडौँ फागुन ८ गते। प्यालेस्टिनी उग्रवादी सङ्गठन हमासले इजरायली बन्धकको शव फिर्ता गर्नेभएको छ। हमासले आज चार जना इजरायली बन्धकहरुको शव फिर्ता गर्न लागेको हो ।
आज इजरायललाई फिर्तागर्न लागेको ती चारवटा शवमध्ये शिरी विवास र उनका दुई वर्षीय बालक एरियल विवास र केफिर विवास गरी तीन अर्को ओडेड लाइफशिट्जको शव हो ।
हमासले उनीहरुलाई सन् २०२३ को अक्टोवर ७ तारिकका दिन उनीहरूलाई बन्धक बनाएको थियो । त्यतिबेला एरियल ४ वर्ष र केफियर ९ महिनाका थिए । यी बच्चाका पिता यार्डेनलाई केही दिनअघि मात्रै हमासले रिहा गरेको थियो ।
योसँगै आगामी शनिबार हमासले अरु ६ बन्धकलाई रिहा गर्ने भएको छ । शनिबार रिहा हुने बन्धकको बदलामा इजरायलले अक्टोबर २०२३ मा गिरफ्तार गरेका सबै महिला र १९ वर्षभन्दा कम उमेरका प्यालेस्टिनी बन्धकलाई रिहा गर्ने भएको छ ।
केफिर हमासको कैदमा रहेका सबैभन्दा कम उमेरका बन्धक थिए । बन्धक बनाउँदा उनी केवल ९ महिनाका थिए । हमासको दाबी अनुसार नोभेम्बर २०२३ मा शिरी र उनको दुई बच्चा इजरायली बमबारीमा परी मारिएका थिए ।
यसअघि इजरायल र हमासले छ चरणमा बन्धकहरु आदानप्रदान गरिसकेका छन् ।
