लुम्बिनी, माघ २५ गते । उद्योग, वाणिज्य तथा आपूर्तिमन्त्री दामोदर भण्डारीले उद्योगसम्बन्धी नीतिगत सुधार गर्न सरकार प्रतिबद्ध रहेको बताउनुभएको छ । उहाँले सरकारले उद्योगमैत्री नीति बनाउने उल्लेख गर्दै आगामी बजेट उद्योगीको हकहितमा विनियोजन गर्ने प्रतिबद्धता व्यक्त गर्नुभयो ।
९बर्दघाट सुस्ता पश्चिम० जिल्लास्थित दुई मेगावाट क्षमताको सोलार प्लान्टको आज उद्घाटन गर्दै मन्त्री भण्डारीले वर्तमान सरकार देशको आर्थिक विकासमा टेवा पु¥याउन औद्योगिक क्षेत्रको विकास र स्वदेशमा रोजगार सिर्जना गर्न नीतिगत सुधारमा लागेको बताउनुभयो । स्वच्छ र नवीकरणीय ऊर्जाको प्रवद्र्धन तथा विकास गर्न सरकार कटिबद्ध रहेको उहाँले बताउनुभयो । मन्त्री भण्डारीले यसले स्वदेशी उत्पादनमा जोड दिनुका साथै ऊर्जा आत्मनिर्भरता हासिल गर्ने दिशामा महत्वपूर्ण कोसेढुङ्गा सावित हुने बताउनुभयो ।
मन्त्री भण्डारीले आजै परासीस्थित समृद्धि स्टिल उद्योग र लक्ष्मी हुुन्डाइ एसेम्बलि¬ङ्ग प्लान्टको अवलोकन गर्नुभयो । उद्योग अवलोकनका क्रममा उहाँले उद्योग क्षेत्रको सम्भाव्यता, उत्पादनशीलता र रोजगारी सिर्जनासम्बन्धी प्रत्यक्ष जानकारी लिनुभयो । उहाँले औद्योगिकीकरणलाई तीव्रता दिन आवश्यक नीतिगत सुधार तथा पूर्वाधार निर्माणका विषयमा उद्योगपतिसँग छलफल समेत गर्नुभयो ।
यसैगरी मन्त्री भण्डारीले स्वदेशमै सवारीसाधन एसेम्बल गरी आयात प्रतिस्थापन गर्नुपर्नेमा जोड दिनुभयो । उहाँले नेपालमा सवारीसाधन निर्माण तथा एसेम्बलिङ उद्योगको विस्तारले मुलुकको औद्योगिक विकासलाई थप गति दिने विश्वास व्यक्त गर्नुभयो ।
