काठमाडौँ, माघ १० गते । साताको पाँचौं दिन आज सुनको मूल्यमा गिरावट आएको छ । नेपाल सुनचाँदी व्यवसायी महासंघका अनुसार दुई दिनमा तीन हजार रुपैयाँ रुपैयाँले बढेको सुनको मूल्य आज प्रतितोला चारसय रुपैयाँले घटेको हो ।
नेपाली बजारमा आज सुनको मूल्य तोलाको एक लाख ५९ हजार ६ सय रुपैयाँ कायम भएको छ । हिजो सुनको मूल्य तोलाकै एक हजार नौसय रुपैयाँ बढेर एक लाख ६० हजार रुपैयाँ कारोबार भएको थियो ।
यस्तै, आज चाँदीको मूल्य पनि घटेको छ । हिजो एक हजार आठसय ९५ रुपैयाँमा कारोबार भएको चाँदी आज प्रतितोला २० रुपैयाँले घटेर तोलाको एक हजार आठसय ७५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
