फाइल तस्वीर
काठमाडौँ, माघ ९ गते । माघ लागेसँगै बढ्न सुरु भएको सुनको मूल्यमा आज पनि उल्लेख्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य तोलामा एक हजार नौसय रुपैयाँ बढेको हो ।
आज सुनको मूल्य प्रतितोला एक लाख ६० हजार रुपैयाँ कायम भएको छ । अघिल्लो कारोबार दिन हिजो सुन प्रतितोला एक लाख ५८ हजार एकसय रुपैयाँमा कारोबार भएको थियो ।
यस्तै, आज चाँदीको मूल्य पनि बढेको छ । आज चाँदीको मूल्य प्रतितोला २० रुपैयाँ बढेर प्रतितोला एक हजार आठसय ९५ रुपैयाँ कायम भएको छ । हिजो चाँदीको मूल्य प्रतितोला एक हजार आठसय ७५ रुपैयाँमा कारोबार भएको थियो।
