काठमाडौँ, माघ ७ गते । साताको दोस्रो दिन आज सोमबार नेपाली बजारमा सुनको मूल्यमा सामान्य गिरावट आएको छ । नेपाल सुनचाँदी व्यवसायी महासङ्घका अनुसार आज सुन प्रतितोला १०० रुपैयाँ घटेको हो ।

आज सुन तोलामा १ लाख ५७ हजार रुपैयाँ कायम भएको छ । हिजो सुनको मूल्य तोलामा १ लाख ५७ हजार १०० रुपैयाँ कायम थियो ।

यस्तै, आज चाँदीको मूल्य भने स्थिर रहेको छ । हिजो आइतबार तोलामा १ हजार ८ सय ६० रुपैयाँ कायम भएको चाँदीको मूल्य आज सोमबार पनि सोही कायम भएको हो।