हङकङ, पुस २४ गते । जापानको सपोरोबाट हङकङ आएको उडानमा झगडा गर्ने दुई महिलाविरुद्ध हङकङ प्रहरीले मुद्दा दायर गरेको छ । सपोरोबाट हङकङ आएको क्याथे प्यासिफिक एयरवेजको उडान सीएक्स५८१ मा दुई महिला झगडा गरेको आरोपमा पक्राउ परेका थिए । विमानस्थल प्रहरीले ह्यान्डल गरेको उक्त केसमा मुद्दा दर्ता भएको हो।
उनीहरूलाई उड्डयन सुरक्षा अध्यादेशअन्तर्गत अभद्र व्यवहार गरेको आरोप लागेको छ । झगडियाहरू आज बुधबार वेस्ट काउलुन अदालतमा उपस्थित हुनेछन् । क्याथेका प्रवक्ताले बताएअनुसार विमान हङकङमा अवतरण गरेपछि दुई यात्रुले अवरोधपूर्ण व्यवहार गरेका थिए । (एससीएमपी)
