काठमाडौँ, पुस १४ गते । साताको पहिलो दिन आज आइतबार सुन,चाँदी दुबैको मूल्य घटेको छ । नेपाल सुनचाँदी व्यवसायी महासङ्घका अनुसार सुनको मूल्य आज प्रतितोला पाँचसय रुपैयाँले घटेको हो ।
महासङ्घका अनुसार आज सुनको मूल्य प्रतितोला एक लाख पचास हजार दुईसय रुपैयाँ कायम गरिएको छ । अघिल्लो कारोबार दिन शुक्रबार सुनको मूल्य प्रतितोला एक लाख ५० हजार सातसय रुपैयाँमा कारोबार भएको थियो ।
त्यसैगरी आज चाँदीको मूल्य तोलामा २५ रुपैयाँ घटेको छ । आज चाँदीको मूल्य एक हजार सात सय ९० रुपैयाँ कायम भएको छ । अस्ति शुक्रबार चाँदीको मूल्य एक हजार आठसय १५ रुपैयाँमा कारोबार भएको थियो।
