जाजरकोट, मङ्सिर २० गते । जाजरकोटमा जीप दुर्घटना हुँदा दुई जनाको मृत्यु भएको छ भने अर्का एक जना घाइते भएका छन् । मध्यपहाडी लोकमार्ग अन्तर्गत भेरी नगरपालिका–१० नुवागाउँ नजिकै भएको जीप दुर्घटनामा सोही लोकमार्गमा कार्यरत दुई जना मजदुरको मृत्यु भएको हो।
उक्त दुर्घटनामा कैलालीका २४ वर्षीय मनोज केसी र जुम्ला घर भएका २२ वर्षीय मिथुन हमालको मृत्यु भएको प्रहरीले जनाएको छ।
दुर्घटनामा घाइते २२ वर्षिय कमल चौधरीको जिल्ला अस्पताल जाजरकोटमा उपचार भइरहेको छ । जिल्ला प्रहरी कार्यालय जाजरकोटका अनुसार जीप सडकबाट ७ सय मिटर तल खसेको छ । दुर्घटनाबारे अनुसन्धान गरिरहेको प्रहरीले बताएको छ ।
