हेटौँडा, मङ्सिर १९ गते । मकवानपुरको बकैया गाउँपालिकामा यात्रुवाहक बस दुर्घटना हुँदा १२ जना यात्रु घाइते भएका छन् । हेटौँडाबाट बकैयातर्फ जाँदै गरेको बा ५ ख ६६५३ नम्बरको बस सडकबाट केही तल खसेर दुर्घटना भएको हो ।
जिल्ला प्रहरी कार्यालय मकवानपुरका अनुसार बसमा ३६ जनाभन्दा बढी सवार रहेका थिउ । घाइतेको हेटौँडास्थित सहकारी अस्पतालमा उपचार भइरहेको र दुर्घटनाको विस्तृत विवरण आउन बाँकी रहेको जिल्ला प्रहरी कार्यालय मकवानपुरले जनाएको छ ।
बसका चालक हेटौँडा उपमहानगरपालिका १२ पदमपोखरीका ४५ वर्षीय टीकाराम लामालाई प्रहरीले पक्राउ गरी दुर्घटनाबारे अनुसनधमान गरिरहेको जनाएको छ ।
