काठमाडौँ, मङ्सिर १७ गते । साताको दोस्रो दिन आज सोमबार नेपाली बजारमा सुन,चाँदीको मूल्यमा गिरावट आएको छ । सुनको मूल्य आज तोलामा १ हजार २ सय रुपैयाँ घटेको हो।
नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला एक लाख ४९ हजार ३ सय रुपैयाँ कायम भएको छ । आइतबार सुनको मूल्य एक लाख ५० हजार पाँच सय रुपैयाँमा कारोबार भएको थियो ।
यस्तै, आज चाँदीको मूल्य पनि प्रतितोला २५ रुपैयाँ घटेको छ । आज चाँदीको मूल्य प्रतितोला एक हजार आठ सय १५ रुपैयाँ कायम भएको छ। हिजो आइतबार चाँदीको मूल्य एक हजार ८ सय ४० रुपैयाँमा कारोबार भएको थियो।
