काठमाडौँ, असार २१ गते । साविक विजेता अर्जेन्टिना कोपा अमेरिका फुटबलको सेमिफाइनलमा प्रवेश गरेको छ । जारी ४८ औँ संस्करणको कक्वाटरफाइनलमा इक्वेडरलाई पेनाल्टी सुटआउटमा ४–२ गोलले पराजित गर्दै अर्जेन्टिना सेमिफाइनलमा पुगेको हो ।
लियोनल मेसीको कप्तानीमा रहेको समूह ‘ए’ को विजेता बनेको अर्जेन्टिना र समूह ‘बी’मा रहेर उपविजेता बनेको इक्वेडरबीच भएको खेलमा दुवै टिम १/१ गोलको बराबरीमा रोकिएपछि पेनाल्टी सुटआउटमा खेल पुगेको थियो ।
इक्वेडर समूह ‘बी’ बाट उपविजेता बन्दै अन्तिम आठमा पुग्दा उपाधि दावेदार अर्जेन्टिना समूह ‘ए’ मा अपराजित रहँदै विजेताका रुपमा क्वाटरफाइनल प्रवेश गरेको थियो ।
कोपा अमेरिका फुटबलमा सबैभन्दा धेरै १५ पटक उपाधि जितेको अर्जेन्टिनाले १४ पटकसम्म उपविजेता बनेको छ । इक्वेडर भने हालसम्म कोपा–अमेरिकाको सेमिफाइनल भन्दा अगाडि बढ्न सकेको छैन । विश्वकै सबैभन्दा पुरानो महादेशीय फुटबल प्रतियोगिताका रुपमा रहेको कोपा अमेरिका पहिलो अन्तराष्ट्रिय फुटबल प्रतियोगीता पनि हो ।
उपाधि रक्षाको खोजिमा अर्जेन्टिना सेमिफाइनलमा प्रवेश
