काठमाडौँ — साताको दोस्रो दिन आज सोमबार नेपाली बजारमा सुनचाँदीको मूल्य स्थिर रहेको छ । नेपाल सुनचाँदी व्यवसायी महासङ्घका अनुसार आज सुन र चाँदी दुबैको मूल्य यथावत रहेको हो ।
आज छापावाल सुन प्रतितोलामा एक लाख १७ हजार आठ सय रुपैँयामा कारोबार भइरहेको छ । यस्तै, तेजाबी सुन प्रतितोला एक लाख १७ हजार दुई सय ५० रुपैयाँ कायम गरिएको छ । हिजो आइतबार पनि सुनको मूल्य यतिमा नै कारोबार भएको थियो ।
त्यसैगरी, आज चाँदीको मूल्य पनि स्थिर रहेको छ । आज चाँदी आइतबार कै मूल्यमा यथावत रहि प्रतितोला एक हजार चार सय ५५ रुपैयाँमा कारोबार भइरहेको महासङ्घले जनाएको छ ।
