काठमाडौं – नेपालमा पछिल्लो २४ घण्टामा थप ५ सय ५३ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ३ हजार ७ सय ८९ जनाको नमुना परीक्षण गर्दा ५ सय ५३ जनामा कोरोना भाइरसको सङ्क्रमण पुष्टि भएको हो ।
सोही अवधिमा ४ सय ३३ जना कोरोना भाइरसको सङ्क्रमणबाट मुक्त भएका छन् भने पछिल्लो २४ घण्टामा देशभर कोरोनाका कारण कसैको पनि मृत्यु पुष्टि भएको छैन ।
पछिल्लो २४ घण्टामा काठमाडौं उपत्यकामा २ सय ६४ जना कोरोना भाइरसको सङ्क्रमित थपिएका छन् । काठमाडौंमा १ सय ८६ जना, भक्तपुरमा २४ जना र ललितपुरमा ५४ जना सङ्क्रमित थपिएका हुन् । योसँगै उपत्यकामा कोरोनाका सक्रिय सङ्क्रमितको संख्या ३ हजार ८ सय ८४ जना पुगेको छ ।
हाल देशभर कोरोनाका सक्रिय सङ्क्रमितको संख्या ५ हजार ६ सय ५९ जना पुगेको स्वास्थ्य तथा जनसंख्या मन्त्रालयले जनाएको छ ।
