काठमाडौं – रामनाथ गोएनकादेखि गणेश शङ्कर विद्यार्थी सम्मान पाउने वरिष्ठ पत्रकार कमाल खानको लखनउमा शुक्रबार बिहान हृदयघातका कारण निधन भएको छ । टिभी न्यूजको दुनियाँमा लामो समयदेखि काम गरिरहेका कमाल खान आफ्नो उत्कृष्ट रिपोर्टिङ र टिभी रिपोर्टका लागि परिचित थिए ।
लगभग २२ वर्षको अनुभवसहित कमाल खान पछिल्लो समयदेखि लखनउमा बस्दै एनडीटिभीका लागि रिपोर्टिङ गरिरहेका थिए । हालै अयोध्या जमिन विवाददेखि उत्तर प्रदेश चुनावसँग जोडिएका उनका विभिन्न खबर चर्चाको विषय बनेको थियो ।
केही घण्टा अघि मात्रै कमाल खानको एउटा भिडियो रिपोर्ट एनडीटिभीमा प्रकाशित भएको छ जसमा उनी उत्तर प्रदेश सरकारका मन्त्रीको राजीनामाको राजनीतिक महत्वबारे जानकारी दिइरहेका थिए । एजेन्सी
