काठमाडौं – नेपाल स्टक एक्सचेन्जका अनुसार आज नेप्से परिसूचक ३ दशमलव ७२ अङ्कले घटेर ३०२२ दशमलव १० विन्दुमा झरेको हो । हिजो सोमबार अधिकतम ४२ अंकले बढेर हालसम्म उच्च विन्दु अर्थात् तीन हजारमाथि पुगेको नेप्से परिसूचकमा आज सामान्य करेक्सन आएको छ ।
यद्यपि, आज ‘क’ वर्गका ठूला कम्पनीहरुको सेन्सेटिभ इन्डेक्स भने धनात्मक भएका छन् । नेप्सेका अनुसार यस दिन समग्र इन्डेक्स ३.७२ अंकले गर्दैगर्दा यता, सेन्सेटिभ इन्डेक्स भने झिनो ० दशमलव २५ अङ्कले स्तरोन्नती हुँदै ५५० दशमलव २६ विन्दुमा पुगेको हो ।
आज कुल २२६ कम्पनीका ३ करोड ९ लाख ४८ हजार ८५३ कित्ता सेयर १ लाख ६४ हजार ७९० पटक किनबेच हुँदा कुल १६ अर्ब ५२ करोड ८७ लाख ४९ हजार ७३९ रुपैयाँको कारोबार भएको छ । यस दिन होटल तथा पर्यटन, म्यानु एण्ड प्रो, म्युचुअल फण्ड, लगानी र अन्य समूह बाहेका सबै समूहहरु ऋणात्मक रहेका छन् ।
