काठमाडौं – काठमाडौंमा प्रहरीले चितुवाको छालासहति दुई जनालाई पक्राउ गरेको छ । कीर्तिपुरस्थित ढल्पा क्षेत्रमा दुर्लभ वन्यजन्तु चितुवाको छाला बेचबिखन भइरहेको भन्ने सूचनाको आधारमा गएको प्रहरी टोलीले खोजतलास गर्दा उनीहरूलाई पक्राउ गरेको जनाएको छ ।
यसरी पक्राउ पर्नेमा दार्चुलाका २३ वर्षीय गिरीराज ठगुन्ना र बझाङ घर भई कीर्तिपुर बस्ने वर्ष २९ को नारायणवहादुर सिंह रहेका छन् । उनीहरूको साथबाट चितुवाको छालासमेत बरामद भएको र कारबाहीका लागि डिभिजन वन कार्यालय काठमाडौंमा बुझाइएको प्रहरी जनाएको छ । चितुवाको छाला कहाँबाट ल्याएको भन्ने बारेमा प्रहरीले खुलाएको छैन ।
