काठमाडौं – पोखराको लेकसाइड फेवातालको किनारमा रहेको बसुन्धरा पार्कमा आज विहान १ युवक मृत अवस्थामा फेला परेका छन् । मृत अवस्थामा फेला परेका युवक अन्दाजी २२÷२५ वर्षको जस्तो देखिने मंगोलियन हुलियाको रहेको प्रहरीले जानकारी दिएको छ ।
निलो ज्याकेट लगाएको करिब साढे ५ फिट उचाईका युवक मृत फेला परेको जिल्ला प्रहरी कार्यालय कास्कीका प्रवक्ता एवम् डिएसपी सुवास हमालले जानकारी दिएका छन् । मृतकको पहिचान नभएको प्रवक्ता हमालले जानकारी दिएका छन् । घटनाको बारेमा प्रहरीले थप अनुसन्धान थालेको र मृतकको पहिचान गर्ने कार्य भइरहेको समेत प्रवक्ता हमालले जानकारी दिएका छन् ।
